УпщIэ: ЩэкIуэным диныр дауэ зэреплъыр?
Жэуап: ЩэкIуэныр езыр и лъабжьэкIэ къапщтэмэ узыхуит Iуэхугъуэхэм ящыщщ, нэгъуэщI гуэр Iуэхум къыхыхьэрэ зэIимыгъэхьэмэ, и унафэр нэгъуэщI гуэрым тыримыгъэхьэмэ.
УщакIуэ зэрыхъунур езы КъурIэн лъапIэми къыщыкIуащ, Суннэ къабзэри абы щыхьэт техъуэжащ. Бухъарийрэ Муслимрэ я хьэдис тхылъым уфIэмыIэбыкIми, абы хуэгъэзауэ щыIэ хьэдисхэр куэдщ.
Езы Бегъымбарым صلى الله عليه وسلم и зэманми, мыдэкIэ и Iэщхьабхэм я зэманми, абыхэм яужьыжкIэ къэкIуа щIэныгъэлIхэм я лIэщIыгъуэми щэкIуэныр къыщекIуэкIыу, щакIуэми дагъуэ хуамыщIу щытащ. Абы къикIращи, Iиджмагь щыIэу аращ.
Ауэ зэрыжытIауэ, лъабжьэм Iуэхур щытекI щыIэщ, щхьэусыгъуэ иIэмэ. Псалъэм папщIэ, жэщым ущэкIуэныр зымыгъэдэха щIэныгъэлI щыIэщ. Абы и щхьэусыгъуэри гурыIуэгъуэщ. ЗыгуэркIэ е цIыху, е псэущхьэ узыхуимытым утехуэмэ, е узэщакIуэ псэущхьэр хьэлэлу къыпIэрымыхьэмэ, жаIэу аращ.
КъинэмыщIауи, цIыхур щIэщакIуэр а къищэкIум хуэмейуэ, ауэ сытми ириджэгумэ е чэщанэ папщIэу къигъэсэбэпмэ.
Абы нэмыщIу, цIыхум Хьэж е Гьумрэ щищIым и деж щэкIуэну хуиткъым, апхуэдэ дыдэуи Хьэрэмым и кIуэцIым иту.
Пэжыр Алыхьым нэхъ ещIэ.
Щхьэныкъуэ А.
26.10.16 гъэ.