НэщI икIыж гьидым и хъутIбэ

17.05.2015
Еджауэ 2 592

 

اللهُ أَكبَرُ كَبِيرًا، وَالحَمدُ للهِ كَثِيرًا، وَسُبحَانَ اللهِ بُكرَةً وَأَصِيلاً، الحَمدُ للهِ الَّذِي بِنِعمَتِهِ تَتِمُّ الصَّالِحَاتُ، وَبِفَضلِهِ تَزكُو الحَسَنَاتُ، شَرَحَ صُدُورَنَا لِلإِسلامِ، وَمَنَّ عَلَينَا بِالهِدَايَةِ لِلإِيمَانِ، أَعطَى بِجُودِهِ جَزِيلاً، وَقَبِلَ مِنَ الشُّكرِ قَلِيلاً، وَفَضَّلَنَا عَلَى كَثِيرٍ مِمَّن خَلَقَ تَفضِيلاً.

أشهد أن لا إله إلا الله وحده لا شريك له، فاز من كبره وهلله تهليلاً.

وأشهد أن محمدا عبده ورسوله، صلى الله عليه وعلى آله وصحبه وسلَّم تسليماً،  أما بعد:

Алыхьым нэхъ ин щыIэкъыми Абы и инагъыр къыхыдогъэщ, и фIыгъуэ мыухыжхэми я фIыщIэ куэду дощI, пщэдджыжькIи пщыхьэщхьэкIи Ар хыдоIэтыкI, сыт хуэдэ ныкъусаныгъэми Ар хыдогъэкъэбзыкI. 

Муслъымэн жэмыхьэт! Аллаху Тэгьалар къытхуэупсэри нобэрей махуэм дыкъигъэсащ, нэщI мазэ псои къыдигъэнэщIащ, псапэ къэхьыпIэ куэдми дыригъэхуащи – фIыщIэ мыухыжыр Абы хуэфащэщ. 

Нобэ гьидщи, гьид махуэ дыдэ Алыхьым ар тхуищI, хъер куэди Алыхьым къытхудигъакIуэ! Мы махуэ лъапIэм хуэдэ иджыри куэдрэ зи нэгу фIыкIэ щIэкIын, псапэ куэди абы къыдэзылэжьын Алыхьым дищI!

Нобэ гьид махуэщ, гуфIэгъуэ махуэщи, хуитщ муслъымэныр гуфIэну, гушхуэну, гугъэну, дэрэжэгъуэ иIэну, нэщхъеягъуэхэм, зэман кIэщIкIэ нэхъ мыхъуми, емыгупсысыну! 

ИкIи шэч зыхэмылъыжращи, гуфIэпэну, гуфIэгъуэ дыдэри зэхэзыщIэну зыхуэфащэр муслъымэнращ. Дауэ узэрымыгуфIэнур: мазэм я нэхъ лъапIэр нэщIкIэ бгъэкIуауэ, и жэщхэр КъурIэн еджэнрэ нэмэз щIынкIэ епхьэкIауэ, уи мылъкумкIи псапэ блэжьауэ, уеблэмэ мэжджытым укъыщIэмыкIыххэу игьтикаф пщIауэ, абы фIэIэбыкIыжи, хьэж щIыпIэм укIуэу гьумрэ щыпщIауэ?! 

И насыпщ апхуэдэ фIыгъуэхэмкIэ мазэ лъапIэр зыгъэкIуар, и Тхьэ лъапIэр зыгъэарэзын лэжьыгъэкIэ зи зэманыр зыгъэнщIар, ауэ насыпыншэщ икIи хъерыншэщ апхуэдиз зи лъапIагъ мазэр купщIэншэу, уеблэмэ гуэныхь гуэрхэри хэлъу блэзыгъэкIар.

БлэкIащ мы илъэсым и нэщI мазэр, абы къэгъазэ иIэжкъым, абы и пIэ зыри пхуигъэувэжынукъым, иджыпсту сымыщIар пщэдей сщIэжынщи, — пхужыIэнукъым, сыт щхьэкIэ жыпIэмэ, пщэдей упсэуну уэ зыми укъигъэгугъакъым, упсэууэ щытми пщэдейрейм махуэм езым и лэжьыгъэ иIэжщ. 

Ауэ, и насыпщ, НэщI мазэм и хьэтыркIэ зи тхьэшынагъэр нэхъ ин икIи нэхъ куу хъуам, гъэсэныгъэ дахэ абы къыхэзыхам, илъэс къакIуэм и нэщI мазэ хъухукIэ къезыхьэкIын иман-къару абыкIэ зэзыгъэпэщам. 

Муслъымэн жэмыхьэт! Пэжщ, нэщI мазэр къэднэщIащ, нэгъуэщI лэжьыгъэхэри длэжьащ, ауэ длэжьахэр тIаха, къабыл ящIа, Алыхь Талэм и деж яIэта, хьэмэрэ псыхэкIуадэ хъуа? Мыбы дигъэгупсысэн икIи дигъэгузэвэн хуейщ. 

Iэл-Хьэсэн Iэл-Бэщрий رحمه الله жиIэт: «МуIмин цIыхум IуэхуфI елэжьри, илэжьам тогузэвыхьыж, ауэ мунафикъым мыхъумыщIагъэ елэжьри, илэжьами иригузэвэжкъым».

ЦIыхум илэжьа лэжьыгъэр Алыхьым Iихарэ Iимыхарэ къызэращIэ нэщэнэхэм ящыщщ: нэхъыфIкIэ мыхъумэ нэхъ IейкIэ зимыхъуэжу, и динми емыпцIыжу и гъащIэр ирихьэкIыныр.

Ауэ нэщI мазэр зэфIэкIамэ лъэмыжым икIауэ, и дэфтэрыри Iэ ижькIэ къратыжауэ къызыщыхъу гуэрхэр щыIэщ. Илъэс псом тэрауихь нэмэзхэм деж фIэкIа мэжджытым щомылъагъухэри щыIэщи, ахэр фIыуэ егупсысыпхъэщ: щIэпсэум, зыхуэпсэум, зыдагъэзэжынум, зи пащхьэ ихьэжынум.

Рэмэданыр икIамэ ди Iуэхур зэрызэфIэмыкIар къигъэлъагъуэу, псапэ къэзыхьыну зи нэ къикIхэми яхуэгъэзауэ, жеIэ ди Бегъымбар лъапIэм عليه الصلاة والسلام-ым: «Рэмэданыр къэзынэщIу, Шэууалым щыщ махуих абы кIэлъызынэщIыжам — илъэс псо къинэщIам хуэдэщ». (Муслим).

Муслъымэн жэмыхьэт! Нобэ дгъэлъапIэ гуфIэгъуэ махуэм гугъэ ди гум къыредзэ. Сыт хуэдизу муслъымэнхэр гугъу емыхьми, сыт хуэдизыр ямышэчми, муслъымэнхэм гуфIэгъуэ зэраIэр, тыншыгъуэ гуэрхэми зэрыхэтхэр, кIыфIыгъэ защIэу щымыту, нэхугъи зэрыщыIэр къегъэлъагъуэ мы махуэ лъапIэм. 

Фiыгъуэрэ гуф1эгъуэрэ куэду къытхудигъакIуэ Алыхь Талэм мы махуэ лъапIэм.   ЕтIэнэгъэ пIалъи узыншэу, Iиман бгъэдэлъу нэсын, абы нэсыхкIи илъэсыр псапэкIэ зыгъэнщIын муслъымэн Алыхьым дищI! Къабылу Алыхьым тIих ди нэщIи, ди нэмэзи, ди дугьэи, IуэхуфIу длэжьа псори!

اللهُ أَكْبَرُ اللهُ أَكْبَرُ، لَا إِلَهَ إِلَّا اللهُ وَاللهُ أَكْبَرُ، اللهُ أَكْبَرُ وللهِ الْحَمْدُ.

وَأَقُولُ قَوْلَي هَذَا وَأَسْتَغْفِرُ اللهَ لِي وَلَكُمْ… 

ЕтIуанэ хъутIбэ

الله أكبر كبيرا، والحمد لله كثيرا وسبحان الله بكرة وأصيلا.

والحمد لله على إحسانه، والشكر له على توفيقه وامتنانه.

 وأشهد أن لا إله إلا الله تعظيما لشانه، وأشهد أن محمدا عبده ورسوله، الداعي إلى رضوانه.

أما بعد، فياعباد الله: “إن الله وملائكته يصلون على النبي، يا أيها الذين آمنوا صلوا عليه وسلموا تسليما”.

اللهم صل وبارك على محمد وعلى آل محمد كما صليت وباركت على إبراهيم وعلى آل إبراهيم في العالمين إنك حميد مجيد وارض اللهم عن الأربعة الخلفاء الأئمة أبى بكر الصديق وعمر الفاروق وذي النورين عثمان وأبي السبطين علي وعن آل بيت نبيك الطيبين الطاهرين وعن أزواجه أمهات المؤمنين وعن الصحابة أجمعين وعن التابعيين ومن تبعهم بإحسان إلى يوم الدين وعنا معهم بمنك وكرمك وعفوك وإحسانك يا أرحم الراحمين.

 اللهم تقبل صلاتنا وصيامنا وقيامنا، وأعد علينا رمضان بالبر والإيمان، ووَفِّقْنا لمتابعة الإحسان، ويسر لنا طريق الهداية والإيمان.

اللهم لا تَدَعْ لنا في هذا اليوم السعيد ذنباً إلا غفرتَه، ولا عيباً إلا سترتَه، ولا مريضا إلا شفيتَه، ولا مُبتلًى إلا عافيتَه، ولا ميتا إلا رحمتَه.

اللهم اجعلْ جَمْعَنَا هذا جمعاً مرحوماَ، وتفرُّقَنا من بعده تفرقاً معصوماً.

اللهم أصلحْ لنا الأهلَ والبنينَ والبنات، وارحم لنا الآباء والأمهات، اللهم مَن كان منهم حياًّ فأحيه أَسْعَدَ حياة، ومن كان منهم ميتاً فتقبله بأوسع الرحمات، وأسكنْه عندك فسيح الجنات، واجمعنا بهم في أسعد اللحظات.

اللهم واحفظ بلدَنا من كل الِمحَن، وجنِّبْه يا مولانا كلَّ الْفِتَن، واجعلنا اللهم في بلدنا آمِنِين مطمئنين، وكذلك جميع المسلمين، في كل مكان وفي كل حين..

وبعد، فياعباد الله “إن الله يأمر بالعدل والإحسان، وإيتاء ذي القربى، وينهى عن الفحشاء والمنكر والبغي، يعظكم لعلكم تذكرون“.